Base

Criostóir is ainm dom. Tá mé i mo chónaí i dTexas, i ndeisceart SAM. Is í an chathair a bhfuil cónaí orm inti ná San Antonio. Is sagart Ceartchreidmheach mé agus tá paróiste le thart ar chéad daoine ann faoi churam agam. Tá dhá chéim i dteangolaíocht agam agus tá grá mór agam don Ghaeilge ó bhí mé i mo ghasur óg. Sa mbliain 1980 chaith mé tréimhse i nGaeltacht Chonamara, i gCor na Móna le teaghlach a raibh Gaeilge ó dhuchas acu agus ina dhiadh sin chuaigh mé ar chúrsa samhraidh ar an gCeathrú Rua. Rinne mé staidéar ar an nGaeilge agus seandalaíocht ag Colaiste na hOllscoile, Gaillimh ar feadh seacht mí sa mbliain chéanna.